Grupi NA hap javën artistike të “Akull n’verë”

Prishtina po vazhdon ta shijojë atmosferën verore të aktivitetit “Akull n’verë”, i cili ka shndërruar Sheshin Skënderbeu në një pikëtakim të muzikës, argëtimit dhe mbrëmjeve të paharrueshme.

Programi artistik i kësaj jave nis sonte me performancën e Grupit NA, që pritet të sjellë energji dhe ritme të njohura për publikun në zemër të kryeqytetit.

Aktivitetet vazhdojnë edhe gjatë javës me artistë të tjerë të njohur. Të enjten skenës i ngjitet Dafina Bytyqi, të premten performojnë Frontina & Band, ndërsa të shtunën publiku do të argëtohet me Dhjetori.

Java artistike përmbyllet të dielën me koncertin e David Dreshajt.