Bill Gates: Katër profesionet që do t’i mbijetojnë Inteligjencës Artificiale

Bashkëthemeluesi i Microsoft, Bill Gates, ka deklaruar se rritja e Inteligjencës Artificiale do të ndryshojë rrënjësisht tregun global të punës, por disa profesione do të mbeten të domosdoshme edhe në të ardhmen. Sipas tij, fusha si programimi, biologjia, sektori i energjisë dhe sporti profesional janë ndër ato që kanë më shumë gjasa t’i mbijetojnë automatizimit.

Gates theksoi se sportet, si bejsbolli dhe disiplinat e tjera profesionale, do të mbeten të lidhura me aftësitë njerëzore dhe konkurrencën reale, duke mos u zëvendësuar nga makinat. Ai gjithashtu paralajmëroi se në shumë industri të tjera, si prodhimi, transporti dhe bujqësia, automatizimi mund të marrë një rol dominues në të ardhmen.

Ndërkohë, studimet mbi ndikimin e Inteligjencës Artificiale tregojnë se shumë profesione tradicionale janë tashmë të ekspozuara ndaj transformimit, përfshirë gazetarët, shkrimtarët, përkthyesit dhe programuesit, duke sinjalizuar një ndryshim të madh në mënyrën se si punohet në epokën digjitale.

Profesionet që sipas tij do t’i mbijetojnë IA-së:

• Programuesit (software developers)

• Biologët

• Punonjësit në sektorin e energjisë

• Atletët profesionistë