GEG.FM
Po lidhet…
Kombëtarja e Kosovës ka shkruar një kapitull të bukur në këtë muaj shtator. Pas një nisjeje të vështirë me humbjen 4-0 ndaj Zvicrës, Dardanët nuk u dorëzuan. Ata u rikthyen fuqishëm në fushë dhe realizuan një triumf të paharrueshëm 2-0 ndaj Suedisë, duke treguar karakter, organizim dhe një futboll bindës.
Kjo fitore nuk është thjesht një rezultat; ajo ndezi shpresën për kualifikimin në Kupën e Botës dhe ndezi ëndrrat e tifozëve dardanë për një sukses historik. Përveç emocionit, arritja ka sjellë edhe një shpërblim konkret: Kombëtarja e Kosovës u ngjit në renditjen e FIFA-s për katër pozita, duke kaluar nga vendi i 95-të në të 91-tin — pozita më e lartë që Dardanët kanë arritur që nga viti 2016.
Shtatori ka qenë një muaj i suksesshëm edhe për Kombëtaren e Shqipërisë. Kuqezinjtë, pas fitoreve ndaj Gjibraltarit dhe Letonisë me rezultat 1-0, ngritën edhe ata pozitën e tyre në FIFA, duke kaluar nga vendi i 68-të në të 66-tën.
Ky muaj shtator ka vërtetuar se futbolli i Kosovës ka potencial dhe pasion të pamasë — dhe rruga drejt ëndrrës botërore sapo ka filluar.
Redaksia Geg FM Radio18 shtator 2025
Për herë të parë në Kosovë, një nga akademitë më të njohura të futbollit evropian, Villarreal CF, sjell një kamp zyrtar për të rinjtë, duke hapur një kapitull të ri për zhvillimin e talenteve vendore. Ky organizim, që do të mbahet në Prishtinë nga 12 deri më 16 maj, përfaqëson një moment të rëndësishëm për […]
Qytetarët e Gjilanit do të kenë mundësinë të ndjekin finalen historike të Kosovës kundër Turqisë në një ekran të madh që do të vendoset para Teatrit të Qytetit. Ky vendim është marrë për t’iu përgjigjur interesimit të jashtëzakonshëm të qytetarëve, të cilët dëshirojnë ta ndjekin së bashku këtë përballje vendimtare. Kjo ndeshje konsiderohet historike, pasi […]
Kosova është një nga tetë kombëtaret që kanë arritur në finalet e play-offit evropian për kualifikim në Kupën e Botës, dhe mediat më prestigjioze në botë po e pasqyrojnë këtë arritje historike. Agjencia ndërkombëtare Reuters shkruan: “Kosova e vogël kërkon historinë e Kupës së Botës me ndeshjen vendimtare kundër Turqisë”, duke theksuar rritjen graduale dhe […]