Orar i zgjatur në pub-e në Angli për ndeshjen me Meksikën në Kupën e Botës 2026

Në Angli pritet një vendim i pazakontë gjatë Kupës së Botës 2026, pasi qeveria britanike po shqyrton mundësinë që pub-et të qëndrojnë të hapura deri në orën 05:00 të mëngjesit për ndeshjen mes Anglisë dhe Meksikës në fazën e 1/8-ave.

Sipas mediave britanike, kryeministri Keir Starmer pritet të mbështesë një ligj të posaçëm që lejon këtë zgjatje të orarit, për shkak të kohës së vonë të zhvillimit të ndeshjes në kuadër të FIFA World Cup 2026.

Autoritetet thonë se masa synon të menaxhojë më mirë turmat dhe të krijojë kushte më të sigurta për tifozët, të cilët pritet ta ndjekin ndeshjen në ambiente të mbushura plot dhe të qëndrojnë në festa deri në orët e para të mëngjesit.