KQZ në pritje të ankesave për të shpallur rezultatet përfundimtare të zgjedhjeve

Komisioni Qendror i Zgjedhjeve ka bërë të ditur se është në pritje të përfundimit të shqyrtimit të ankesave nga institucionet përkatëse, para se të procedojë me shpalljen e rezultateve përfundimtare të zgjedhjeve. Zëdhënësi Valmir Elezi theksoi se KQZ do të vlerësojë nëse vendimet përfundimtare përmbajnë obligime konkrete që duhet të zbatohen nga institucioni.

Sipas tij, nëse vendimet nuk kanë detyrime të tilla, KQZ është e gatshme që menjëherë pas plotfuqishmërisë së tyre të shpallë rezultatet përfundimtare të procesit zgjedhor. Megjithatë, ai sqaroi se kjo fazë nuk e mbyll ende procesin zgjedhor, pasi palët kanë të drejtë ankese edhe ndaj rezultateve përfundimtare.

Elezi shtoi se vetëm pas përfundimit të të gjitha afateve ligjore dhe vendimeve të institucioneve, KQZ kalon në fazën e certifikimit të rezultateve.