APR me pako të veçantë për mërgimtarët

Asistencë rrugore në pesë shtete të rajonit për vetëm 29.90 euro, me mbështetje të plotë gjatë udhëtimit.

Gjatë sezonit të verës, kur mijëra bashkatdhetarë nisen drejt Kosovës për pushime, siguria në rrugë mbetet një nga prioritetet kryesore. Për këtë arsye, APR, kompania e specializuar për asistencë rrugore në Kosovë, rajon dhe Evropë, ka prezantuar një pako sezonale të dedikuar posaçërisht për mërgimtarët.

Pakoja është krijuar për veturat me targa të huaja që udhëtojnë drejt rajonit dhe mbulon Kosovën, Shqipërinë, Maqedoninë e Veriut, Malin e Zi dhe Serbinë. Me një çmim prej 29.90 euro, përdoruesit përfitojnë asistencë rrugore dhe transport të automjetit pa kufizim kilometrash, duke ofruar më shumë siguri dhe qetësi gjatë gjithë udhëtimit.

Në rast defekti teknik apo aksidenti, APR siguron gjithashtu transportin e të gjithë pasagjerëve deri në adresën e tyre në Kosovë, duke garantuar mbështetje të shpejtë në situata të papritura.