Astoria Luxury & Spa Hotel hap terasën verore me një mbrëmje festive plot surpriza

Këtë të shtunë, më 11 korrik, Astoria Luxury & Spa Hotel hap zyrtarisht terasën e saj verore, duke i dhënë start një sezoni plot mbrëmje të veçanta dhe momente të paharrueshme.

Duke filluar nga ora 20:00, mysafirët do të mirëpriten në një atmosferë elegante, ku muzika live, humori dhe surprizat do të ndërthuren për të krijuar një natë të mbushur me emocione. Mbrëmjen do ta prezantojë aktori i njohur Fatmir Spahiu – Bufi, ndërsa Valina Muqolli do të sjellë buzëqeshje me performancën e saj stand-up comedy.

Në skenë do të ngjiten edhe emra të njohur të muzikës shqiptare, si Sabri Fejzullahu, Diana Toska, Vëllezërit Alu dhe Butrin Rashiti, të cilët do ta shoqërojnë publikun me performanca live gjatë gjithë mbrëmjes.

Astoria Luxury & Spa Hotel fton të gjithë të bëhen pjesë e kësaj hapjeje ekskluzive, ku eleganca, mikpritja dhe atmosfera verore bashkohen për të krijuar një eksperiencë që do të mbetet gjatë në kujtesë.