28 artistë në garë: Festivali i Këngës në RTSH rikthehet me surpriza dhe emra të njohur

Radio Televizioni Shqiptar ka zbuluar sot artistët pjesëmarrës në edicionin e 64-t të Festivalit të Këngës, nën drejtimin artistik të Elhaida Danit. Ky vit sjell 28 këngëtarë, duke përfshirë emra të njohur të muzikës shqiptare, rikthime të artistëve të famshëm dhe zëra të rinj që debutojnë në skenën e Festivalit.

Në garë janë këngëtarë si Fifi & Tiri Gjoci, Alis, Vedat Ademi, Evi Reçi, Sheila, Kamela Islamaj, Gerta Mahmutaj, Erik Lloshi, Enxhi Nasufi dhe Gresa Gjocera. Rikthehen gjithashtu Lorenc Hasrama, Luna Çausholli, Kleansa Susaj dhe grupi 2 Farm. Mes emrave të rinj vëmendjen e tërheq Egzon Pireci nga Prizreni, si dhe Inis Neziri. Surpriza e këtij edicioni është aktori Erand Sojli, i cili për herë të parë ngjitet në skenë si këngëtar.

Festivali do të zhvillohet në katër net: dy netë konkurruese, një natë nostalgjie dhe finalja e madhe. Këngët pjesëmarrëse do të publikohen gjatë muajit nëntor, duke u mundësuar fansave të njihen me krijimet e artistëve.

Lista e plotë e artistëve pjesëmarrës:

1. 2 Farm

2. Alis

3. Egzon Pireci

4. Endri Kaçaçi

5. Enxhi Nasufi

6. Erand Sojli

7. Erik Lloshi

8. Evi Reçi

9. Fifi & Tiri Gjoci

10. Frensi

11. Gerta Mahmutaj

12. Ghiti

13. Gresa Gjocera & Bledi Kaso

14. Inis Neziri

15. Kamela Islamaj

16. Kimi

17. Kleansa Susaj

18. Lorenc Hasrama

19. Luna Çausholli

20. Malvina Likaj

21. Rezarta Smaja

22. Rigersa Loka

23. Sara Kapo

24. Savjana Vjerdha

25. Sheila

26. Sihana Haxhnikaj

27. Threex

28. Vedat Ademi