GEG.FM
Po lidhet…
Ministria e Kulturës ka mbajtur sot ceremoninë e ndarjes së çmimeve për dramë origjinale shqipe “Katarina Josipi” për vitin 2025, një ngjarje që riktheu në fokus fjalën dramatike shqipe dhe autorët që po e ndërtojnë teatrin e së tashmes.
Në një konkurs që synon të vlerësojë zërat autentikë dhe temat bashkëkohore të dramaturgjisë shqipe, Astrit Kabashi u dallua si fitues i dyfishtë. Ai mori çmimin e parë për dramën “Lufta”, si dhe çmimin e dytë për veprën “Pse ke frikë”, duke konfirmuar forcën dhe vazhdimësinë e tij krijuese në skenën dramatike.
Çmimi i tretë iu nda Florent Kurtalanit për dramën “Kurora”, një vepër që u vlerësua për qasjen e saj artistike dhe ndërtimin dramatik.
Konkursi “Katarina Josipi” mbetet një nga nismat më të rëndësishme për promovimin e dramaturgjisë origjinale në gjuhën shqipe. Përmes tij, Ministria e Kulturës synon të mbështesë autorët vendorë, të nxisë krijimtarinë e re dhe të kontribuojë në zhvillimin e teatrit dhe artit skenik bashkëkohor.
Ceremonia u përmbyll si një dëshmi se drama shqipe vazhdon të jetë e gjallë, kritike dhe e gatshme për t’u përballur me temat që e prekin shoqërinë sot.
Redaksia Geg FM Radio15 dhjetor 2025
Gjilani po vazhdon të jetë qendër e aktiviteteve kulturore në kuadër të Javës së Frankofonisë, e cila ka nisur dje dhe do të zgjasë për disa ditë me radhë, duke sjellë një program të pasur me ngjarje artistike, akademike dhe kulturore. Edhe sot, më 25 mars, qyteti mirëpret një seri aktivitetesh që synojnë promovimin e […]
Një ikonë e pop-it të viteve ’80 po vjen për herë të parë në Kosovë. Në edicionin e ardhshëm të festivalit të verës Hardh Fest, publiku do të ketë mundësinë të shohë live në skenë Thomas Anders, zërin legjendar të projektit muzikor Modern Talking, i cili do të performojë në Rahovec së bashku me bandën […]
Një nga grupet më të njohura të muzikës jazz–fusion në botë, Snarky Puppy, do të ngjitet për herë të parë në skenë në Mitrovicë më 16 shtator, duke sjellë një nga koncertet më të rëndësishme të këtij viti për skenën muzikore në Kosovë. Performanca do të realizohet në kuadër të festivalit “Mitrovica International Jazz Days”, […]