SHBA hap program ndërkombëtar për të rinjtë nga Kosova me fokus Inteligjencën Artificiale

Embassy of the United States in Kosovo ka hapur thirrjen për aplikim në programin e financuar plotësisht “On Demand Youth Leadership Program: Excellence in AI & Global Leadership Exchange”, një mundësi e re zhvillimi për të rinjtë nga Kosova që synojnë të thellojnë njohuritë në teknologji dhe lidership.

Programi do të realizohet nga 20 qershori deri më 9 korrik 2026 në United States dhe është i dedikuar për të rinjtë 15–18 vjeç që kanë interes për inteligjencën artificiale, udhëheqjen dhe angazhimin në komunitet.

Gjatë programit, pjesëmarrësit do të zhvillojnë aktivitete në Seattle dhe Washington, D.C.. Aty ata do të trajnohen mbi inteligjencën artificiale, do të forcojnë aftësitë e lidershipit dhe do të punojnë në projekte me ndikim shoqëror, duke pasur mundësi të njohin edhe kulturën amerikane.

Afati i fundit për aplikim është 3 mars 2026, ora 12:00 sipas kohës lindore në SHBA. Programi mbulon plotësisht të gjitha shpenzimet për kandidatët e përzgjedhur. Të interesuarit mund të aplikojnë përmes linkut zyrtar të thirrjes.