Një pasdite me robotikë dhe programim, Codey Rocky vjen në Albi Mall Gjilan

Teknologjia mësohet më mirë kur shoqërohet me kureshtje, lojë dhe kreativitet. Pikërisht këtë përvojë do ta sjellë Codey Rocky, roboti edukativ i zhvilluar për të nxitur interesimin e fëmijëve për botën e programimit dhe robotikës, në një aktivitet të veçantë që do të mbahet në Albi Mall Gjilan.

Të shtunën, më 26 korrik, nga ora 16:00 deri në 18:00, në Katin 0 të qendrës tregtare, fëmijët dhe familjet do të kenë mundësinë të marrin pjesë në një eksperiencë interaktive të organizuar në bashkëpunim me Bonevet, organizatë e njohur për promovimin e edukimit në fushën e teknologjisë, inovacionit dhe krijimtarisë.

Gjatë aktivitetit, pjesëmarrësit do të njihen nga afër me Codey Rocky, një robot edukativ që kombinon programimin vizual, inteligjencën artificiale bazë dhe sensorët për t'i ndihmuar fëmijët të mësojnë konceptet e para të kodimit në një mënyrë të thjeshtë dhe argëtuese. Përmes sfidave praktike dhe aktiviteteve interaktive, ata do të eksplorojnë mënyrën se si funksionojnë robotët, si u japin komanda dhe si mund të zgjidhin probleme duke përdorur logjikën.

Ky aktivitet synon të zhvillojë aftësi që konsiderohen ndër më të rëndësishmet për të ardhmen, si mendimi kritik, kreativiteti, bashkëpunimi dhe zgjidhja e problemeve. Mësimi përmes lojës e bën teknologjinë më të afërt dhe i ndihmon fëmijët ta shohin atë jo vetëm si argëtim, por edhe si një mundësi për të krijuar dhe eksperimentuar.