Mercedes ndez debat: më shumë orë pune ose presion mbi pagat

Debati për orët e punës në Gjermani është rikthyer fuqishëm pas deklaratave të Martin Brudermüller, kryetar i bordit mbikëqyrës të Mercedes-Benz. Ai tha se vendi duhet të shqyrtojë seriozisht rikthimin në një javë pune 40-orëshe, për të ruajtur konkurrueshmërinë në tregun global.

Sipas tij, kostot e punës në Gjermani janë rritur ndjeshëm dhe industria nuk ka më avantazhin e dikurshëm në produktivitet. Brudermüller tha se opsionet janë të kufizuara: ose më shumë orë pune për të njëjtat paga, ose presion për ulje kostosh në kompani.

Ai shtoi se, duke marrë parasysh plakjen e popullsisë, Gjermania ka nevojë për më shumë angazhim në tregun e punës dhe një zgjatje të jetës aktive profesionale. Deklaratat e tij kanë hapur debat të gjerë në sektorin industrial dhe sindikal.