GEG.FM
Po lidhet…
Filharmonia e Kosovës do të sjellë për publikun kryeqytetas më 30 janar 2026, në orën 19:30, në Pallatin e Rinisë dhe Sportit – Atelieja, një nga veprat më të njohura të repertorit vokal-instrumental botëror, “Petite Messe Solennelle” nga kompozitori italian Gioacchino Rossini, në kuadër të Sezonit 2025/2026.
Ky koncert madhor realizohet në bashkëpunim me Korin e Teatrit Kombëtar të Operës, Baletit dhe Ansamblit Popullor të Tiranës, i përgatitur nga dirigjenti Dritan Lumshi, si dhe me Korin e Filharmonisë së Kosovës. Në skenë do të ngjiten solistë të njohur ndërkombëtarë dhe vendorë: Svetlana Aksenova (soprano), Enkeleida Shkoza (mezzosoprano), Klodjan Kaçani (tenor) dhe Rubén Amoretti (bas).
Koncerti do të drejtohet nga dirigjenti Hajrullah Syla, ndërsa shoqërimi instrumental do të realizohet nga Pranvera Hoxha në harmonium dhe Andi Duraku së bashku me Lekë Salihu në piano.
Ky aktivitet shënon vazhdimin e bashkëpunimit artistik mes Filharmonisë së Kosovës dhe Teatrit Kombëtar të Operës dhe Baletit të Tiranës, duke forcuar lidhjet kulturore dhe artistike mes institucioneve muzikore të rajonit.
Të interesuarit mund të rezervojnë vendin e tyre përmes këtij linku:
https://bit.ly/49uJ9zp
Redaksia Geg FM Radio23 janar 2026
Gjilani po vazhdon të jetë qendër e aktiviteteve kulturore në kuadër të Javës së Frankofonisë, e cila ka nisur dje dhe do të zgjasë për disa ditë me radhë, duke sjellë një program të pasur me ngjarje artistike, akademike dhe kulturore. Edhe sot, më 25 mars, qyteti mirëpret një seri aktivitetesh që synojnë promovimin e […]
Një ikonë e pop-it të viteve ’80 po vjen për herë të parë në Kosovë. Në edicionin e ardhshëm të festivalit të verës Hardh Fest, publiku do të ketë mundësinë të shohë live në skenë Thomas Anders, zërin legjendar të projektit muzikor Modern Talking, i cili do të performojë në Rahovec së bashku me bandën […]
Një nga grupet më të njohura të muzikës jazz–fusion në botë, Snarky Puppy, do të ngjitet për herë të parë në skenë në Mitrovicë më 16 shtator, duke sjellë një nga koncertet më të rëndësishme të këtij viti për skenën muzikore në Kosovë. Performanca do të realizohet në kuadër të festivalit “Mitrovica International Jazz Days”, […]