GEG.FM
Po lidhet…
Filharmonia e Kosovës ju fton të gjithëve të merrni pjesë në Koncertin e Vitit të Ri 2026, i cili do të mbahet më 20 dhjetor 2025, duke filluar nga ora 19:30, në Sallën e Kuqe të Pallatit të Rinisë në Prishtinë.
Në këtë mbrëmje muzikore, publiku do të ketë mundësinë të shijojë një program të pasur me vepra të njohura nga Johann Strauss II, Josef Strauss, Leroy Anderson, Maurice Ravel, Peter Hertel, Jacques Offenbach, Franz Schubert, Giuseppe Verdi, Émile Waldteufel dhe Carl Michael Ziehrer.
Koncerti do të drejtohet nga dirigjenti skocez Dario Salvi, ndërsa soliste e mbrëmjes është Clara Saitkoulov nga Franca, e njohur për interpretimet e saj të jashtëzakonshme në muzikën klasike dhe operistike.
Hyrja është e lirë, por për shkak të kapacitetit të limituar të sallës, është i nevojshëm rezervimi paraprak përmes linkut: REZERVIMET.
Dyert e sallës hapen në ora 19:00 dhe mbyllen në 19:30. Pas fillimit të koncertit, nuk lejohet hyrja, ndaj ju këshillohet të arrini me kohë për të mos humbur asnjë moment të mbrëmjes muzikore.
Redaksia Geg FM Radio15 dhjetor 2025
Gjilani po vazhdon të jetë qendër e aktiviteteve kulturore në kuadër të Javës së Frankofonisë, e cila ka nisur dje dhe do të zgjasë për disa ditë me radhë, duke sjellë një program të pasur me ngjarje artistike, akademike dhe kulturore. Edhe sot, më 25 mars, qyteti mirëpret një seri aktivitetesh që synojnë promovimin e […]
Një ikonë e pop-it të viteve ’80 po vjen për herë të parë në Kosovë. Në edicionin e ardhshëm të festivalit të verës Hardh Fest, publiku do të ketë mundësinë të shohë live në skenë Thomas Anders, zërin legjendar të projektit muzikor Modern Talking, i cili do të performojë në Rahovec së bashku me bandën […]
Një nga grupet më të njohura të muzikës jazz–fusion në botë, Snarky Puppy, do të ngjitet për herë të parë në skenë në Mitrovicë më 16 shtator, duke sjellë një nga koncertet më të rëndësishme të këtij viti për skenën muzikore në Kosovë. Performanca do të realizohet në kuadër të festivalit “Mitrovica International Jazz Days”, […]