GEG.FM
Po lidhet…
Policia e Kosovës ka marrë një mbështetje të rëndësishme nga Republika Federale e Gjermanisë, duke pranuar pesë vetura dhe pajisje teknologjike në vlerë rreth 200 mijë euro. Ky donacion synon të forcojë kapacitetet e Policisë dhe mbikëqyrjen e kufirit shtetëror, duke rritur sigurinë dhe efikasitetin e punës së saj.
Në një takim të veçantë, Zëvendësdrejtori i Përgjithshëm i Policisë së Kosovës, Fehmi Hoti, së bashku me bashkëpunëtorët e tij, priti përfaqësuesin e Ambasadës gjermane, zëvendësambasadorin Christian Böttcher, ku u bë edhe ceremonia e pranim-dorëzimit të donacionit.
Policia e Kosovës vlerëson lart bashkëpunimin dhe përkrahjen e vazhdueshme të Qeverisë dhe Ambasadës gjermane, duke theksuar rëndësinë e këtij kontributi për ngritjen e kapaciteteve logjistike dhe teknologjike të forcës policore.
Ky hap tregon angazhimin e dyanshëm për forcimin e sigurisë dhe bashkëpunimin ndërkombëtar në fushën e sigurisë publike, duke përforcuar marrëdhëniet mes Kosovës dhe Gjermanisë në nivel institucional.
Redaksia Geg FM Radio24 shkurt 2026
Me ardhjen e pranverës, ndryshimi ndihet në çdo detaj, nga energjia e ditëve më të gjata, te dëshira për stil të ri dhe përjetime më të bukura. Këtë sezon, një nga destinacionet më të frekuentuara për blerje në Gjilan, Grande Mall, vjen me një kombinim ideal: koleksione të reja, zbritje sezonale dhe një lojë të […]
Me ardhjen e pranverës, vjen edhe dëshira për një fillim të ri, për ngjyra më të lehta, stil më të freskët dhe një energji që reflektohet në çdo detaj të përditshmërisë. Pikërisht në këtë kohë, Optika Moda sjell një përvojë që ndërthur kujdesin për shikimin me trendët më të fundit të sezonit. Këtë pranverë, koleksionet […]
Çdo 3 maj, në Ditën Botërore të Lirisë së Shtypit, rikthehet një pyetje që duket e thjeshtë, por është gjithnjë më e vështirë: kujt i besojmë?Në vitin 2026, UNESCO e vendos theksin te “Shaping a Future at Peace” apo “Formësimi i një të ardhmeje në paqe”. Mesazhi është i qartë: në një realitet ku informacioni […]