GEG.FM
Po lidhet…
Kanë nisur xhirimet e filmit me metrazh të gjatë “DUA”, një projekt i ri i regjisores së njohur Blerta Basholli, e cila fitoi vëmendje ndërkombëtare me filmin “Zgjoi”. Xhirimet do të zgjasin deri më 19 nëntor, duke përfshirë gjithsej 35 ditë pune në terren.
Filmi prodhohet nga Valon Bajgora dhe Yll Uka nga Ikonë Studio në Kosovë, ndërsa bashkëproducentë janë Britta Rindelaub dhe Thomas Reichlin (Alva Film, Zvicër) dhe Amaury Ovise (Kazak Productions, Francë).
“DUA” është një dramë “coming of age”, e vendosur në Kosovën e viteve 1990, e frymëzuar nga përvojat personale të regjisores. Rrëfimi ndjek jetën e një adoleshenteje introverte që kërkon identitetin e saj brenda sfidave politike dhe shoqërore të kohës.
Në rolet kryesore do të shfaqen Pinea Sylejmani, Yllka Gashi, Kushtrim Hoxha, Kaona Sylejmani, Andi Bajgora, Vlera Bilalli dhe Fiona Abdullahu.
Ky projekt pritet të sjellë një tjetër rrëfim të ndjeshëm dhe të thellë nga Basholli, duke vendosur edhe njëherë kinemën kosovare në qendër të vëmendjes ndërkombëtare.
Redaksia Geg FM Radio11 tetor 2025
Kinematografia kosovare ka shënuar një nga momentet më të rëndësishme të saj në arenën ndërkombëtare. Regjisori Visar Morina ka fituar çmimin prestigjioz “World Cinema Dramatic Grand Jury Prize” në Sundance Film Festival 2026, me filmin e tij më të ri Shame and Money. Ky çmim konsiderohet një nga vlerësimet më të larta për filmin ndërkombëtar […]
Filmi i ri artistik “Zbardhje”, i regjisores kosovare Kaltrina Krasniqi, ka hyrë zyrtarisht në fazën e xhirimeve në Prishtinë, duke shënuar projektin e saj të radhës pas suksesit ndërkombëtar të filmit Vera Andrron Detin. Ky film, që ishte premiera e saj e parë me metrazh të gjatë, u prezantua në garën Orizzonti në kuadër të […]
Këngëtarja me origjinë shqiptare Rita Ora po vazhdon të zgjerojë karrierën e saj edhe në botën e aktrimit. Projekti i saj më i ri filmik, “He Bled Neon”, pati premierën në festivalin prestigjioz South by Southwest, një nga ngjarjet më të rëndësishme ndërkombëtare për filmin, muzikën dhe teknologjinë që zhvillohet çdo vit në Austin. Filmi […]