Bulevard Residences: Një vizion që po bëhet realitet në zemër të Gjilanit

Në zemër të Gjilanit, një projekt që deri dje ishte vizion, sot po merr formë çdo ditë e më shumë. Me avancimin e punimeve, Boulevard Residences po i afrohet hap pas hapi momentit kur do të bëhet adresa e re e qindra familjeve dhe një nga zhvillimet më të rëndësishme urbane të qytetit.

I konceptuar si shumë më tepër se një kompleks banimi, Boulevard Residences synon të krijojë një mënyrë të re jetese, ku gjithçka që i nevojitet një familjeje gjendet në një vend të vetëm. Lokacioni në zemër të Gjilanit, arkitektura moderne dhe planifikimi funksional e bëjnë këtë projekt një investim për të sotmen dhe për të ardhmen.

Me ritmin aktual të punimeve, vizioni po shndërrohet gradualisht në realitet. Çdo fazë e përfunduar sjell më pranë një kompleks që do të përfshijë mbi 1.000 apartamente, më shumë se 1.200 vende parkimi, mbi 100 lokale afariste, një hotel me pesë yje, hapësira sportive, zona të gjelbra dhe një shesh e bulevard të brendshëm me mbi 6.000 metra katrorë, të menduara për një jetë aktive, të qetë dhe moderne.

Boulevard Residences është projektuar për t'i qëndruar kohës. Rrugët e gjera, trotuaret me gjelbërim, hapësirat rekreative për të gjitha moshat dhe ndërtesat me standard të lartë ndërtimi krijojnë një ambient ku komoditeti dhe funksionaliteti ecin së bashku.