Alban Hyseni: 2 milionë euro investime në shëndetësi gjatë mandatit të parë

Kryetari i Komunës së Gjilanit dhe kandidat për mandatin e dytë, Alban Hyseni, ka prezantuar arritjet e qeverisjes lokale në sektorin e shëndetësisë, një nga prioritetet kryesore gjatë mandatit të parë.

Sipas tij, janë realizuar mbi 2 milionë euro investime kapitale, duke përfshirë ndërtimin e ambulancës së re në lagjen Arbëri, blerjen e pajisjeve moderne për mamografi, autoambulanca të reja, aparatura të avancuara stomatologjike dhe renovime të shumta të objekteve shëndetësore.

Nëpërmjet punës në terren, stafi shëndetësor ka realizuar mbi 18,000 vizita në shtëpi, duke siguruar kujdes profesional dhe të përkushtuar për secilin qytetar.

Hyseni theksoi se “Pas 12 tetorit, vazhdojmë edhe më fuqishëm – për një shëndetësi më afër qytetarëve dhe më cilësore. BASHKË!”