Filmi “Dua” i Blerta Bashollit shfaqet sonte në Festivalin FEMA në Francë

Sonte në orën 20:30, filmi artistik “Dua” do të shfaqet në edicionin e 54-t të Festivalit Festival FEMA në Francë. Filmi me metrazh të gjatë vjen me skenar dhe regji nga regjisorja kosovare Blerta Basholli dhe do të prezantohet para një audience ndërkombëtare.

“Dua” vjen në festival pas një suksesi të rëndësishëm, ku ka fituar çmimin SACD Semaine de la Critique në Cannes 2026, një vlerësim që e ka vendosur projektin në vëmendjen e kritikës evropiane të filmit. Ky sukses ka rritur interesimin për premierën e tij në festivale të tjera ndërkombëtare.

Filmi është i vendosur në Kosovën e viteve ’90 dhe trajton sfidat sociale dhe politike të asaj periudhe. Rrëfimi zhvillohet përmes personazhit kryesor Dua, e luajtur nga aktorja Pinea Matoshi, e cila përballet me realitetin e vështirë të kohës dhe përjetimet e një shoqërie në ndryshim.

Sipas njoftimeve, pas prezantimit në festival, filmi pritet të ketë shpërndarje edhe në kinema, duke i dhënë mundësi publikut më të gjerë ta shohë. Organizatorët e festivalit theksojnë se FEMA mbledh filma nga e gjithë bota dhe shërben si një platformë e rëndësishme për kinemanë autorale dhe të pavarur.