Gjuha dhe kultura shqiptare në trend: Si po e mësojnë të huajt me learn.shqip
Learn Shqip (learn.shqip) është një platformë moderne që e sjell mësimin e shqipes në mënyrë të thjeshtë, të këndshme dhe super praktike.
Përmes mësimeve të shkurtra, frazave të përditshme dhe këshillave për shqiptim, ajo nuk të mëson vetëm “si të flasësh”, por edhe si ta kuptosh kulturën shqiptare: zakonet, traditat, historinë dhe mënyrën si jetojmë.
Platforma është krijuar nga Klaudio Spirollari dhe ka ndërtuar një komunitet të madh online: mbi 100 mijë ndjekës në Instagram (rreth 102–103K), ku një pjesë e madhe janë të huaj që e duan Shqipërinë dhe duan të lidhen me gjuhën e saj.
E gjithë kjo vjen në një moment kur shqipja është më në trend se kurrë: turizmi po sjell gjithnjë e më shumë vizitorë që duan të mësojnë fjalët bazike, ndërsa yjet shqiptarë me ndikim global po e bëjnë kulturën tonë edhe më të pranishme në botë.
Dhe pikërisht këtu, Learn Shqip shërben si një “portë” e thjeshtë: e nis me “përshëndetje”, por të çon te nuancat që e bëjnë shqipen kaq të veçantë.
P.sh. disa fjalë që ngatërrohen shpesh nga të huajt që mësojnë shqip janë:
- bir / birrë
- gjashtë / jashtë
- vjedh / vjel
- derr / derë
