30 vite zjarr në një libër – promovohet “Derbi Drita – Gjilani (1995–2025)”

Në Gjilan, derbi nuk luhet vetëm në fushë. Ai jeton në rrugë, në kafene, në kujtime. Tani, pas tri dekadash emocione, kjo histori vjen e shkruar në librin “Derbi Drita – Gjilani (1995–2025)” të autorit Enver Sadiku.

Nga përballja e parë më 1995, e deri te ndeshja e fundit në dhjetor 2025, çdo duel mes Drita dhe Gjilani ka gjetur vend në këtë monografi. Janë gola, statistika, drama. Janë momente që kanë ndezur stadiumin dhe kanë ndarë qytetin në dy kampe.

Promovimi do të mbahet të hënën, më 16 shkurt 2026, në Hotel Astoria, me fillim nga ora 18:00. Një mbrëmje për ata që e kanë jetuar rivalitetin nga afër.

Sepse disa ndeshje mbarojnë me vërshëllimën e fundit. Por disa të tjera vazhdojnë të jetojnë në histori. Dhe kjo histori tashmë është bërë libër.