Këngët që dëgjojmë në adoleshencë kanë impakt të madh në formimin e identitetit!

Studimet tregojnë se këngët që dëgjojmë gjatë adoleshencës kanë një impakt të madh në formimin tonë emocional.

A keni vënë re se një këngë nga vitet e rinisë suaj mund t’ju rikthejë menjëherë në një moment të caktuar – një udhëtim me autobus, një dhomë të ngrohtë, një zemërthyerje apo një puthje e parë? Shumë më tepër sesa nostalgjia, shkenca tregon se ky fenomen lidhet me mënyrën se si truri ynë përpunon emocionet dhe kujtesën.

Midis moshës 13 dhe 17 vjeç, truri ynë është veçanërisht i ndjeshëm ndaj emocioneve dhe ndërtimit të identitetit. Për këtë arsye, përvojat që jetojmë gjatë kësaj periudhe ruhen shumë më thellë se kujtimet e tjera – dhe muzika bëhet një katalizator i fuqishëm për t’i rikthyer ato.

Shkencëtarët e quajnë këtë fenomen “reminiscence bump” – një pikë kulmore e kujtesës kur përjetimet e rinisë mbeten më të gjalla dhe më të qarta. Pra, nuk është kënga në vetvete, por truri juaj që kujton personin që keni qenë.

Në një mënyrë magjike, një refren i vjetër mund t’ju kthejë sërish në adoleshencë, duke ndezur emocionet dhe kujtimet e papërsëritshme të një periudhe që formoi atë që jeni sot.