NVIDIA bëhet kompania e parë me vlerë 5 trilionë dollarë në tregun financiar

Gjiganti amerikan i teknologjisë, NVIDIA, ka hyrë në histori duke u bërë kompania e parë në botë që arrin një vlerë tregu prej 5 trilionë dollarësh, duke u shpallur kështu kompania më e vlefshme ndonjëherë.

Ky rekord vjen pas një rritjeje të shpejtë të kërkesës për procesorë grafikë të avancuar, e nxitur nga bumi i inteligjencës artificiale, i cili ka transformuar industrinë teknologjike globalisht.

Ardhja e kësaj rritjeje ndodhi menjëherë pas njoftimit të presidentit amerikan, Donald Trump, se ai do të diskutojë me presidentin kinez, Xi Jinping, mbi çështjen e çipave Blackwell dhe eksportet e tyre drejt Kinës.

Takimi mes dy liderëve pritet të zhvillohet nesër, ku temat kryesore do të përfshijnë tarifat tregtare dhe tensionet ekonomike mes SHBA-së dhe Kinës. Sipas burimeve amerikane, Trump gjithashtu planifikon t’i kërkojë Xi Jinping të ushtrojë presion mbi Vladimir Putin, për të arritur një marrëveshje që çon në përfundimin e luftës në Ukrainë.