Orari i konferencave të KQZ-së për Ditën e Zgjedhjeve

Komisioni Qendror i Zgjedhjeve (KQZ) ka miratuar planin operacional për zgjedhjet lokale që do të mbahen më 12 tetor 2025. Ky plan përcakton organizimin e punës së KQZ-së dhe bashkëpunimin me institucionet përkatëse, me qëllim që procesi zgjedhor të zhvillohet në mënyrë të rregullt, transparente dhe profesionale.

Në kuadër të këtij plani, KQZ ka vendosur edhe programin e konferencave për ditën e zgjedhjeve, të cilat do të ofrojnë informacion të përditësuar për publikun dhe mediat rreth pjesëmarrjes së qytetarëve dhe ecurisë së votimit.

Orari i konferencave për 12 tetor 2025:

• 08:00 – Konferenca e parë: Fillimi i procesit të votimit.
• 11:30 – Konferenca e dytë: Të dhëna për pjesëmarrjen deri në orën 11:00 dhe ecurinë e procesit.
• 15:30 – Konferenca e tretë: Përditësim mbi pjesëmarrjen deri në orën 15:00.
• 19:30 – Konferenca e katërt: Përfundimi i votimit, pjesëmarrja totale dhe fillimi i numërimit të fletëvotimeve.
• Ora do të njoftohet më vonë – Konferenca e pestë: Publikimi i rezultateve preliminare për kandidatët dhe subjektet politike.

KQZ thekson se transparenca dhe informimi i saktë i qytetarëve mbeten prioritet gjatë gjithë ditës së zgjedhjeve.