Gjilani, shtëpi e hapur për të gjithë: Hyseni priti grupin e motoristëve zviceranë

Kryetari i Komunës së Gjilanit dhe kandidat për mandat të dytë, Alban Hyseni, pati sot një takim të veçantë me një grup motoristësh nga Zvicra, të cilët vizitojnë qytetin e Gjilanit çdo vit.

Në një atmosferë miqësore dhe të ngrohtë, Hyseni i mirëpriti motoristët, duke u prezantuar me bukuritë dhe energjinë e qytetit. Ai theksoi se Gjilani është gjithmonë “shtëpi e hapur për të gjithë” dhe se vizitorët janë të mirëseardhur për të njohur kulturën dhe traditat lokale.

Takimi u shndërrua në një mundësi për të ndarë eksperiencat dhe për të forcuar lidhjet miqësore mes komunitetit lokal dhe vizitorëve ndërkombëtarë, duke reflektuar mikpritjen e veçantë që qyteti i Gjilanit ofron çdo vit.