Samsung Provokon Apple: “Na Tregoni Kur të Paloset!”
Samsung nuk ka humbur kohë për të kundërshtuar prezantimin e iPhone 17, të cilin Apple e zbuloi dje në eventin e saj të madh në Kaliforni, së bashku me modele të tjera inovative si iPhone Air.
Megjithëse iPhone Air është telefoni më i hollë i Apple deri tani, me vetëm 5.6 mm trashësi, ai mbetet një nga pajisjet më të kushtueshme të kompanisë.
Çmimet e varianteve Air, Pro dhe Pro Max kanë ngjallur debate të forta mes konsumatorëve, të cilët e shohin si çmime të tepruara, sipas Telegrafit.
Edhe pse iPhone i ri sjell risi si Apple Intelligence dhe iOS 26, mungesa e një veçorie thelbësore i dha mundësinë Samsung-it të sulmojë në platformën X.
Kompania koreane postoi: “Nuk mund ta besoj që kjo është ende relevante”, duke cituar tweet-in e tyre nga 2022: “Na tregoni kur të paloset”. Kështu, Samsung nënvizoi se rivalët e tyre ende nuk ofrojnë një smartphone të palosshëm.
Prezantimi i Apple: Inovacion pa Palosje
“Modelet më të fundit të iPhone sjellin shumë risi. Mjete të dobishme nga Apple Intelligence që e bëjnë jetën tuaj të përditshme më të lehtë. Performancë dhe besueshmëri më e mirë me Wi-Fi 7, Bluetooth 6 dhe Thread – të gjitha të mundësuara nga N1, çipi ynë i ri pa tel. Lidhje të shpejta dhe të sigurta me 5G dhe eSIM. Dhe veçori sigurie të dizajnuara për t’ju dhënë qetësi mendore”, deklaroi Apple.
“Qëllimi ynë ishte të krijojmë një iPhone që ndihet si një pjesë e së ardhmes, i fuqishëm por aq i hollë dhe i lehtë sa duket sikur zhduket në duart tuaja”, shtuan zyrtarët e kompanisë amerikane.
Ky shkëmbim mes dy gjigantëve të teknologjisë vazhdon rivalitetin e tyre të hershëm, duke e bërë garën në botën e smartphone-ve edhe më interesante.
