“Nga gjuha japoneze te ajo greke: Kurse falas nga Qendra e Gjuhëve e UP-së”
Qendra e Gjuhëve e Universitetit të Prishtinës njofton nisjen e kurseve të gjuhëve të huaja për semestrin dimëror 2025-2026, në bashkëpunim me partnerë ndërkombëtarë. Kurset janë të hapura për studentët e UP-së, por edhe për publikun e gjerë, dhe ofrohen falas ose me tarifa simbolike.
Kurse të hapura këtë semestër:
- Gjuha greke – ofrohet pa pagesë në bashkëpunim me Zyrën Ndërlidhëse të Greqisë. Afati i fundit për aplikim është 30 shtator 2025.
- Gjuha turke – nis më 1 tetor 2025 në Fakultetin e Filologjisë, në bashkëpunim me Institutin Yunus Emre. Testi për përcaktimin e nivelit mbahet më 1 tetor, ora 13:00, në Qendrën e Gjuhëve.
- Gjuha japoneze – regjistrimet janë të hapura nga 15 deri më 30 shtator 2025, në bashkëpunim me Asociacionin e Miqësisë Kosovare-Japoneze.
- Gjuha italiane – rifillojnë më 15 shtator 2025, në bashkëpunim me Ambasadën e Italisë në Prishtinë. Kurset janë falas, përveç një tarife regjistrimi prej 5 euro për semestër. Për fillestarët, do të mbahet një takim informues më 15 shtator, ora 16:30, në Qendrën e Gjuhëve.
Këto kurse ofrojnë mundësi për të mësuar gjuhë të huaja, për të njohur kultura të ndryshme dhe për të forcuar shkëmbimin kulturor ndërkombëtar.
