Nesër zbulohet iPhone 17 Air: telefoni ultra i hollë që pritet të bëjë histori
Apple është gati të zbulojë gjeneratën e re të telefonave më 9 shtator, në ngjarjen e saj më të madhe të vitit. Përveç iPhone-ëve të rinj, pritet të prezantohen edhe orë inteligjente, kufje dhe ndoshta surpriza të tjera.
Pajisja kryesore e prezantimit do të jetë iPhone 17, i cili do të vijë në versionet standarde, Pro dhe në një risi të madhe – iPhone 17 Air. Ky model konsiderohet si ndryshimi më i madh në dizajnin e telefonave të Apple-it në gati një dekadë.
Sipas raportimeve të MacRumors, iPhone 17 Air do të jetë vetëm 5.5 milimetra i hollë, rreth dy milimetra më pak se iPhone 16, duke e bërë atë telefonin më të hollë që Apple ka prodhuar ndonjëherë.
Karakteristikat kryesore të iPhone 17 Air:
- Ekran 6.6 inç me kornizë titan-alumin
- Pesha: vetëm 145 gramë, afër iPhone 13 Mini
- Kamerë horizontale 48 MP dhe kamerë të përparme 24 MP
- Çip A19 dhe 12 GB RAM
- Vetëm me eSIM, pa hapësirë për kartela fizike
Kjo qasje e re e Apple-it drejt një dizajni ultra të hollë pritet të sjellë një përvojë të re përdorimi dhe të pozicionojë iPhone 17 Air si një nga modelet më të veçantë në historinë e kompanisë.
