Kina ndalon filmat dhe serialet ku burrat e pasur bien në dashuri me vajza të varfra

Autoritetet kineze kanë vendosur të ndalojnë dhe kufizojnë serialet televizive dhe online që tregojnë histori dashurie midis burra shumë të pasur (CEO ose miliarderë) dhe vajzave të varfra ose me jetë të thjeshtë.

Sipas qeverisë, këto përmbajtje po ndikojnë negativisht tek vajzat e reja, duke i bërë të mendojnë se suksesi dhe lumturia vijnë vetëm përmes martesës me një person shumë të pasur. Autoritetet theksojnë se këto histori nuk pasqyrojnë realitetin dhe nxisin ëndrrat për jetë luksoze pa punë dhe përpjekje personale, duke i shpërqendruar të rejat nga arsimi, karriera dhe zhvillimi personal.

Këto seriale janë bërë shumë të përhapura në platformat online, veçanërisht në video të shkurtra, ku shpesh një vajzë e thjeshtë bie në dashuri me një biznesmen të fuqishëm dhe pasuria e tij duket se i zgjidh të gjitha problemet.

Vendimi ka shkaktuar reaksione të ndryshme: disa e mbështesin, duke thënë se media nuk duhet të krijojë iluzione, ndërsa të tjerë kritikojnë ndërhyrjen si një formë censure ndaj artit dhe lirisë së krijimit.

Kina ka qenë historikisht e njohur për kontrollin e përmbajtjes mediatike, dhe ky vendim shihet si pjesë e përpjekjeve për të orientuar mesazhet që i transmetohen të rinjve mbi dashurinë, jetën dhe suksesin.