Vjosa Osmani përfaqëson Kosovën në samitin e liderëve evropianë në Kopenhagë

Presidentja e Republikës së Kosovës, Vjosa Osmani, po merr pjesë në Samitin e Komunitetit Politik Evropian (EPC), që po zhvillohet sot në Kopenhagë, Danimarkë. Ky samit është një forum i rëndësishëm që bashkon liderë nga e gjithë Europa për të diskutuar çështjet kyçe të sigurisë, stabilitetit dhe bashkëpunimit politik në kontinent.

Para fillimit të takimeve zyrtare, presidentja Osmani u prit nga Mbreti Frederik X dhe Mbretëresha Margreth II në Pallatin Amalienborg, duke shënuar një mikpritje të ngrohtë dhe ceremoniale nga familja mbretërore daneze.

“Faleminderit Lartmadhërive të Tyre për mikpritjen e ngrohtë në Kopenhagë para fillimit të Samitit të Liderëve të Komunitetit Politik Evropian!”, shkroi Osmani në rrjetet sociale.

Edicioni i shtatë i Komunitetit Politik Evropian bashkon 47 kryetarë shtetesh dhe qeverish nga Evropa. Temat qendrore të këtij viti përfshijnë forcimin e mbështetjes për Ukrainën dhe diskutimin e strategjive për një Evropë më të sigurt dhe të qëndrueshme në kontekstin e sfidave gjeopolitike aktuale.

Samiti ofron një mundësi për dialog të drejtpërdrejtë mes liderëve evropianë dhe për të forcuar bashkëpunimin në çështjet politike dhe strategjike që ndikojnë gjithë kontinentin.