Trump nxit debat: Mbipesha tani mund të ndikojë në vizën amerikane

Administrata e presidentit Donald Trump ka nxjerrë një udhëzim të ri për konsullatat amerikane, që u lejon oficerëve të vizave të marrin në konsideratë gjendjen shëndetësore të aplikantëve — përfshirë mbipeshën — si faktor në refuzimin e vizave.

Vendimi ka shkaktuar debate: kritikët e quajnë diskriminues ndaj personave me kushte shëndetësore ose të varfër, ndërsa mbështetësit thonë se politika mbron taksapaguesit amerikanë nga shpenzimet e ardhshme mjekësore.

Sipas udhëzimit, edhe një raport mjeku mund të ndikojë në vlerësimin e aplikantit, duke i dhënë oficerëve konsullorë diskrecion më të madh në çdo rast individual. Ekspertët paralajmërojnë se kjo mund të sjellë sfida ligjore dhe etikë, duke e bërë procesin e vizave më kompleks për aplikantët nga jashtë SHBA.