“Togeri nga Inishmori” rikthehet sonte – repriza e 21-të vjen pas kërkesës së publikut

Komedia e zezë “Togeri nga Inishmori” rikthehet sonte në skenën e Teatrit të Gjilanit, në orën 19:00, me reprizën e saj të 21-të. Pas një serie shfaqjesh të suksesshme dhe interesit të madh nga publiku, ekipi artistik vjen sërish për të sjellë humorin e errët, tensionin dhe surprizat që e kanë bërë këtë shfaqje një hit të padiskutueshëm.

Aktorët, të cilët shfaqen në foton promocionale, janë të gatshëm të fusin audiencën në botën e çmendur të Inishmorit – një botë ku ngjarjet marrin kthesa të papritura, ndërsa atmosfera ndërtonet midis humorit të zi dhe dramës së mprehtë.

Organizatorët thonë se interesimi i madh i publikut e ka bërë të domosdoshëm vazhdimin e reprizave, duke e çuar shfaqjen në një prej më të ndjekurave në skenën gjilanase këtë vit.

Shfaqja rekomandohet për audiencë +16, pasi përmban skena dhe elemente që nuk janë të përshtatshme për fëmijë dhe gra shtatzëna.

Sonte – ora 19:00 – Teatri i Gjilanit.
Për rezervime është aktiv edhe numri 045 222 525.