Sonte në Teatrin e Gjilanit – Shfaqja “Chatroom” eksploron botën pas ekranit

Sonte, e hënë, Teatri i Qytetit në Gjilan hap dyert për një udhëtim të veçantë në botën virtuale me shfaqjen “Chatroom” nga Enda Walsh. Pesë të rinj, një dhomë virtuale dhe një pyetje që ndez gjithçka: sa larg mund të shkojë një bisedë online?

Kjo shfaqje dramatike sjell një realitet ku fjalët bëhen armë, miqësitë vihen në provë dhe e vërteta shpesh fshihet pas klikimeve. Me regji nga Erson Zymberi dhe interpretim të fuqishëm nga aktorët Elton Tahiri, Andi Bajgora, Fiona Abdullahu, Rinesa Behluli dhe Drin Berisha, spektakli premton emocione të forta dhe reflektim mbi komunikimin në epokën digjitale.

Projekti është nga Elton Tahiri, dhe performanca e sotme ofron një eksperiencë teatrale që sfidon perceptimet dhe sjell ndërveprime të papritura në skenë.