Produktet e Kosovës gati për barkoda ndërkombëtare

Kosova po afron ditët kur produktet e saj do të njohën lehtësisht në tregjet ndërkombëtare. Barkodat ndërkombëtare do të jenë së shpejti realitet për prodhimet vendore.

Kryetari i Odës Ekonomike të Kosovës, Lulzim Rafuna, zhvilloi një takim me kryetaren e Fondacionit GS1 Turqi, Elif Muftuoglu. Ata diskutuan hapat finalë për anëtarësimin e Kosovës në rrjetin ndërkombëtar të barkodave GS1.

Rafuna falënderoi GS1 Turqinë për mbështetjen e vazhdueshme. Me këtë bashkëpunim, GS1 Kosova do të nisë së shpejti lëshimin e barkodave ndërkombëtare. Kjo do t’i hapë rrugë produkteve kosovare për praninë dhe konkurrueshmërinë globale.

Barkodat ndërkombëtare do të rrisin besueshmërinë, sigurinë dhe vlerën e produkteve vendore, duke përfituar jo vetëm konsumatorët jashtë vendit, por edhe ata vendorë.

Oda Ekonomike e Kosovës falënderoi GS1 Turqinë dhe Muftuoglu për bashkëpunimin dhe përkrahjen profesionale në këtë proces të rëndësishëm për zhvillimin ekonomik të vendit.