Dua Lipa zgjodhi librin e muajit shkurt: “The Son Of Man”

Këngëtarja Dua Lipa, e njohur në mbarë botën, ka ndarë me ndjekësit e saj librin e përzgjedhur për muajin shkurt 2026, si pjesë e rubrikës së saj të leximit mujor.

Për këtë muaj, ajo ka zgjedhur romanin “The Son Of Man” të shkrimtarit francez Jean-Baptiste Del Amo, një vepër të errët dhe të thellë psikologjikisht, që eksploron dhunën ndërbreznore dhe trashëgiminë e traumës.

Romani nis me rikthimin papritur të një burri në jetën e gruas dhe djalit të tij, pas një mungese të gjatë të pazbuluar. Sjellja e tij e papritur dhe e paparashikueshme krijon tension që rritet kur ai i propozon familjes një udhëtim në Les Roches, një shtëpi të braktisur në male. Aty zbulohet e kaluara e tij e dhunshme, adoleshenca nën hijen e një babai brutal dhe të çrregullt mendor.

Dua Lipa përshkruan atmosferën e romanit si ngjashme me filmin “The Shining”, duke vënë në dukje se edhe fundi i librit është dramatik dhe tronditës. Ajo thekson bukurinë e gjuhës poetike dhe kinematografike të autorit, si dhe përkthimin e shkëlqyer në anglisht nga Frank Wynne.

Sipas saj, Del Amo paraqet me mjeshtëri si dhuna mund të transmetohet nga një brez në tjetrin, duke treguar rëndësinë e thyerjes së këtij cikli traumatizues. “E lexova pa u shkëputur dhe ende po reflektoj mbi familjen e brishtë dhe trashëgiminë e dhunës,” thotë Dua.

“The Son Of Man” është një tjetër zgjedhje letrare e guximshme nga Dua Lipa, e cila vazhdon të promovojë letërsinë bashkëkohore përmes rubrikës së saj mujore të leximit.