FC Drita udhëton drejt Sllovenisë për “finalen” ndaj Celjes

FC Drita është nisur drejt Sllovenisë, aty ku do të luajë një nga ndeshjet më të rëndësishme të sezonit ndaj NK Celje. Pas disfatës 2:3 në takimin e parë, skuadra kosovare udhëton me synimin e qartë – përmbysjen e rezultatit dhe vazhdimin e aventurës evropiane.

Humbja minimale në shtëpi e lë gjithçka të hapur, por sfida në transfertë pritet të jetë e vështirë. Megjithatë, kampioni kosovar ka treguar karakter në ndeshje të mëdha dhe beson se mund ta rikthejë balancën në këtë duel vendimtar.

Ndeshja zhvillohet nesër nga ora 18:45, me Dritën që synon të shkruajë një tjetër kapitull të rëndësishëm në historinë e saj ndërkombëtare.

Tashmë gjithçka mbetet në fushë – 90 minuta që mund të përcaktojnë fatin e përballjes dhe sezonit evropian për bardhekaltrit.