Shkencëtarët tajvanezë zbulojnë serum që rikthen flokët brenda 20 ditësh

Një zbulim i ri shkencor nga Tajvani po ngjall shpresë për miliona njerëz që përballen me rënien e flokëve.

Studiuesit në Universitetin Kombëtar të Tajvanit kanë krijuar një serum inovativ nga acide yndyrore natyrale, i cili gjatë testeve laboratorike ka rikthyer rritjen e dukshme të flokëve brenda vetëm 20 ditësh.

Sipas rezultateve fillestare, trajtimi funksionon duke aktivizuar qelizat dhjamore nën lëkurën e kokës. Këto qeliza lëshojnë përbërje biologjike që “zgjohen” qelizat burimore të folikulave – mekanizmi bazë që kontrollon ciklin natyror të rritjes së flokëve. Në thelb, procesi “rindez” rritjen e flokëve në burim, pa pasur nevojë për ndërhyrje medikamentoze.

Edhe pse testimet tek njerëzit nuk kanë nisur ende, rezultatet laboratorike përfaqësojnë një hap të madh në fushën e shkencës rigjenerative.

Ky studim mund të ndryshojë mënyrën si trajtohet tullacia, duke ofruar një alternativë natyrale dhe efektive ndaj trajtimeve tradicionale.

Nëse provat klinike do të konfirmojnë efektet e këtij serumi, shkencëtarët besojnë se në të ardhmen e afërt mund të kemi një trajtim të sigurt e të qëndrueshëm për rikthimin e flokëve, duke hapur një epokë të re në kujdesin estetik dhe mjekësor.