Porositë amerikane më të shpejta se kurrë – vetëm një javë deri te dera juaj
Një mundësi e re është hapur për konsumatorët në Kosovë: porositë e produkteve nga tregu amerikan tash mbërrijnë brenda një jave. Ky zhvillim u bë i ditur nga Ambasada e Shteteve të Bashkuara në Kosovë, e cila e cilësoi si një kapitull të ri në marrëdhëniet tregtare SHBA–Kosovë.
Falë shërbimit të kompanisë Paketa, qytetarët kosovarë tashmë kanë qasje të drejtpërdrejtë në mbi 1 miliard produkte amerikane nga platformat më të mëdha të shitjes online, si Amazon, BestBuy, Walmart, Ebay dhe shumë të tjera.
Koha e dorëzimit “një javë” nënkupton që pas porosisë, produkti niset nga SHBA dhe arrin në adresën e klientit në Kosovë brenda 7 ditëve kalendarike, duke e bërë transportin shumë më të shpejtë se më parë.
Ky hap konsiderohet një arritje e rëndësishme jo vetëm për konsumatorët, por edhe për forcimin e bashkëpunimit mes sektorit privat të Kosovës dhe atij amerikan. Ambasada theksoi se iniciativa përfaqëson një moment historik në afrimin e tregjeve globale me familjet kosovare, duke lehtësuar qasjen në produkte të cilësisë së lartë dhe duke zgjeruar mundësitë për tregtinë ndërkombëtare.
